வாழ்க்கையில் வெற்றி பெற நம்மைச் சுற்றியுள்ள மனிதர்களையும், இயற்கையையும் கவனித்தால் போதும்!

வாழ்க்கையில் வெற்றி பெற நம்மைச் சுற்றியுள்ள இயற்கை இடமிருந்தே கற்றுக் கொள்ளலாம்.

ஒரு மனிதன் தனது தொழில், உறவுகள், ஆன்மீகம் மற்றும் அவரது நம்பிக்கை ஆகிய எல்லாவற்றையும் இழந்த பிறகு, தனது வாழ்க்கையை முடிக்க முடிவு செய்தார். கடைசியாக இறைவனிடம் ஒருமுறை பேசலாம் என்ற நம்பிக்கையில் காட்டிற்கு ஓடினான்.

அவர் கடவுளைப் பார்த்து "கடவுளே, நான் இன்னும் உயிருடன் இருப்பதற்கு ஒரே ஒரு காரணத்தைக் கூற முடியுமா? நான் உயிருடன் வாழ வேண்டும் என்பதற்கு ஏதேனும் ஒரே ஒரு காரணத்தைக் கூறுங்கள்" என்று கேட்டார். அதற்கு இறைவன், "இந்த அடர்ந்த காட்டில் உன் அருகில் என்னென்ன இருக்கிறது என்று இறைவன் கேட்டார். அதற்கு புல் மற்றும் உயரமான மூங்கில் மரங்கள் மட்டுமே உள்ளன என்றான்."

Read Also: வசந்தமான வாழ்விற்கு வழிகாட்டும் விஷயங்கள்

அந்த மனிதர், "அதனால் எனக்கு என்ன பயன் என்று கேட்டார்?" அதற்கு இறைவன், "கவனமாக கேள், நான் இந்த உலகத்தை உருவாக்கி, இந்த புல் மற்றும் மூங்கில் விதைகளை ஒரே நேரத்தில் விதைத்தேன். முதல் ஆண்டில், புல் விதைகள் வளர்ந்து பூமியை மூடி, பச்சைப் பசேலென மாற்றியது. ஆனால் மூங்கில் விதைகள் துளிர்க்கவில்லை, வளர்ந்ததற்கான அறிகுறியே இல்லை.

இரண்டாம் ஆண்டு, புற்கள் தொடர்ந்து வளர்ந்தன, ஆனால் மூங்கில் விதைகள் வளரவில்லை. மூன்றாம் ஆண்டும் இதே நிலைதான். நான்காவது வருடத்தில், மூங்கில் விதைகள் இன்னும் வளரவில்லை, அதாவது இப்போதும் அதே நிலைமை. ஐந்தாம் ஆண்டில் ஒரே ஒரு மூங்கில் விதைதான் முளைத்தது. அந்த நேரத்தில் வளர்ந்து கொண்டிருந்த புல் விதைகளுடன் ஒப்பிடும்போது மூங்கில் விதை மிகவும் சிறியதாக வளர்ந்து இருந்தது.

Read Also: வாழ்க்கையை ரசித்து வாழ உதவும் கதை

ஆறாவது ஆண்டில், மூங்கில் மரங்கள் எல்லா புற்களையும் விட உயரமாக வளர்ந்தன. முதல் ஐந்து வருடங்களில் நாம் பார்த்ததை விட அவை பல மடங்கு உயரமாக இருந்தன. மூங்கில் விதைகள் முளைப்பதற்கு ஐந்து ஆண்டுகள் காத்திருந்தன, ஏனென்றால் அவை எந்த காலநிலையிலும் எவ்வாறு வாழ வேண்டும் என்பதை அவை கற்றுக்கொண்டன.

மூங்கில் மரங்களுக்கு வலுவான வேர்கள் உள்ளன, அவை உயரமாக வளர உதவுகின்றன. அவை போதுமான வலிமையானவுடன், அவை இலைகளை வளர்க்கத் தொடங்குகின்றன. அவை வலுவாக வளரும்போது, வானிலையில் ஏற்படும் எந்த மாற்றத்தையும் தாங்கும் திறன் கொண்டது. எனது படைப்புகளுக்கு நான் கடினமான சவால்களை வழங்கவில்லை, ஏனென்றால் நீங்கள் இன்னும் அவற்றுக்கு தயாராக இல்லை என்று நினைக்கிறேன். வாழ்க்கையில் வரக்கூடிய சவால்களைப் பற்றி நீங்கள் இப்போதுதான் தெரிந்துகொள்ளத் தொடங்குகிறீர்கள்.

Read Also: How To Get Rid of Stress and Succeed?, மன அழுத்தத்திலிருந்து விடுபட்டு வெற்றி அடைவது எப்படி?

உங்களுடைய எண்ணங்கள் உறுதியானதாக இல்லை மேலும் நீங்கள் பலவீனமானவராக இருக்கிறாய். அதனால்தான் வாழ்க்கையை முடித்துக் கொள்ள முடிவு செய்ய உங்களுக்கு துணிச்சல் வந்துள்ளது. உங்கள் வாழ்க்கையை முடிக்க நீங்கள் தைரியமாக இருக்க வேண்டியதில்லை. எத்தகைய பிரச்சனைகள் வந்தாலும் மனம் தளராமல் வாழ்வேன் என்று துணிச்சலான முடிவை எடுக்க வேண்டும்.

மூங்கில் மரங்கள் புற்களைப் போல் ஒரு வருடத்தில் விரைவாக வளர முடியாது. அதேபோல், புற்கள் மூங்கில் மரங்களைப் போல உயரமாக வளர முடியாது. உங்கள் வாழ்க்கையை மற்றவர்களுடன் ஒப்பிடக்கூடாது. ஒவ்வொருவரின் வாழ்க்கைப் பயணமும் வித்தியாசமானது, உங்களுடையது தனித்துவமானது. உங்கள் வாழ்க்கையில் வெற்றி பெறுவீர்களா அல்லது தோல்வியடைவீர்களா என்பதை நீங்கள் தான் தீர்மானிக்க வேண்டும் என்று இறைவன் கூறினார்.

வாழ்க்கையில் வெற்றி பெற நம்மைச் சுற்றியுள்ள மனிதனின் செயல்களில் இருந்தே கற்றுக் கொள்ளலாம்.

ஒரு நாள் இரவு, நாங்கள் தேசிய நெடுஞ்சாலையில் சென்று கொண்டிருந்தபோது, ஓட்டுநரின் அருகில் அமர்ந்திருந்த என் நண்பர் தூங்கிவிட்டார். டிரைவர் வண்டியை நிறுத்திவிட்டு என் நண்பனை எழுப்பிவிட்டு பின்னால் சென்று அமர சொன்னார். நீ தூங்குவதைப் பார்த்ததும் எனக்கும் தூக்கம் வர ஆரம்பித்தது என்று சொன்னார் டிரைவர். என் நண்பன் முனகியபடி பின் இருக்கையில் அமர்ந்தான், பிறகு மீண்டும் தூங்கினான்.

ஆனால் எனக்கு மட்டும் எனக்கு தூக்கம் வரவில்லை. டிரைவர் என்ன சொன்னார் என்று புரிந்து கொள்ள முயன்றேன். அவர் தனது வேலையில் மிகவும் ஆர்வமாக இருந்த நேரத்திலும், இவ்வளவு பெரிய தத்துவத்தை சொன்ன பிறகும் அவர் பணியை தொடர்ந்து செய்தார். ஆம், அவர் சொன்னது அருமை - நம் குணம், செயல், சிந்தனை போன்றவை பல நேரங்களில் அது நம்மைச் சுற்றியுள்ள மக்களைப் பொறுத்தது.

Read Also: தொழில் முனைவோர்க்கான தகவல்கள்

தேனீக்கள் போல எப்பொழுதும் பிஸியாகவும், பரபரப்பாகவும் இருக்கும் நண்பர்கள் நம்மைச் சுற்றி இருக்கும்போது, நம்மை அறியாமலேயே நமக்கு சுறுசுறுப்பு உண்டாகிறது. தொடர்ந்து பேசிக்கொண்டும், குறை சொல்லிக்கொண்டும் இருக்கும் ஒருவரைச் சுற்றி இருக்கும்போது நாமும் அவரைப் போல சோம்பேறியாக இருக்க கூடும். இந்த காரணத்திற்காக தான் வாகனம் ஓட்டுநர்கள் வாகனம் ஓட்டும்போது தூங்குபவர்களை பக்கத்தில் வைத்திருப்பதை விரும்புவதில்லை.

ஒரு திரைப்படத்தில், கதாநாயகன் தான் வேலை செய்யும் இடத்தில் இருந்து வெகு தொலைவில் உள்ள ஒரு வாடகை வீட்டில் குடியேறுகிறான். அந்த வீட்டின் சொந்தக்காரரே, நீங்கள் ஏன் தொழில் செய்யும் இடத்தின் அருகில் வசிக்காமல் இவ்வளவு தூரத்தில் வெகு தொலைவில் வந்து வசிக்கீர்கள். இவ்வளவு தூரத்தில் இருந்து வருவதால் உங்கள் நேரமும், பணமும் மற்றும் உடல் நலமும் வீணாகுமே என்று கேட்டார்.

Read Also: சாதிக்க தூண்டும் தங்க தூண்டில் கதை

இங்குதான் பணக்காரர்கள் வாழ்கிறார்கள் என்றான் கதாநாயகன். நானும் அவர்களை போலவே நிறைய பணம் சேர்க்க வேண்டும் என்று ஆசைப்படுகிறேன். ஆகையால் தான் இங்கு தங்குகிறேன், அவர்களை தினமும் பார்க்க வேண்டிய சூழல் ஏற்படும். சும்மா இருக்கணும்னு ஆசைப்பட்டாலும் அவங்களைப் பார்த்தாலே குஷியாகி மறுபடியும் வேலை செய்ய ஆரம்பிச்சுடுவேன். அதனால் தான் இவ்வளவு தூரம் இருந்தாலும், பணமும், உடல் அலைச்சல் இருந்தாலும் இந்த அபார்ட்மெண்டில் குடியேற விரும்புவதாக சாதரணமாக கூறுகிறார்.

நம் வீட்டில் அல்லது பணியிடத்தில் சிலருக்கு எதிர்மறையான எண்ணங்கள் இருக்கலாம் என்பது உண்மைதான். அவர்களுடன் கவனமாக இருங்கள், ஏனென்றால் அவை நமக்கு விரும்பத்தகாத விஷயங்களைச் செய்யலாம். உங்களிடம் இருக்கும் கொஞ்சம் சுறுசுறுப்பு கூட அவர்களால் கெட்டு விடும்.

Read Also: Success Stories for Life, வெற்றிகரமான வாழ்க்கை வாழ்வது எப்படி?

அலுவலக நேரம் முடிந்த பிறகு கொஞ்சம் நேரம் வேலை செய்ய நினைத்தால், ஒரு குரல் கேட்கும். நானும் இந்த அலுவலகத்தில் வேலைக்குச் சேர்ந்தபோது இப்படித்தான் வேலை செய்தேன். இந்த நிறுவனம் எனக்கு எதுவும் செய்யவில்லை, நீண்ட காலமாக எனக்கு சம்பள உயர்வு கிடைக்கவில்லை.

நான் வீட்டிற்குச் சென்று என் குழந்தைகளுடன் நேரத்தை செலவிட வேண்டிய நேரம் இது என்று கேட்காமலேயே ஒரு அறிவுரை கிடைக்கும். விசாரித்தால் தான் தெரியும் அவரின் வேலையே நன்றாக வேலை செய்பவர்களை வேலையை கெடுப்பது தான். அது போன்று செயல்படுவர்களை சற்றும் யோசிக்காமல் தள்ளி வையுங்கள்.

Read Also: Failure Is Victory, Motivational Quotes in Tamil, தோல்வியும் வெற்றி தான்

வாழ்க்கையில் வெற்றிபெற, வெற்றிகரமான நபர்களுடன் நீங்கள் சுற்றி வர வேண்டும். சுறுசுறுப்பு கொண்டவர்களுடனும், நல்ல நம்பிக்கை கொண்டவர்களுடனும், நல்ல எண்ணம் கொண்டவர்களுடனும் இருக்க வேண்டும். இந்த நபர்களுடன் நீங்கள் இருக்கும் போது கற்றுக்கொள்ளவும், வளரவும் உதவுவார்கள், மேலும் தோல்விக்கு வழிவகுக்கும் சில தவறுகளைத் தவிர்க்க உதவுவார்கள்.

தவறான எண்ணம் கொண்டவர்களால் பெரிய பேரரசுகள் கூட வீழ்ச்சியடைந்திருக்கின்றன. எனவே கடினமாக உழைக்கத் தயாராகவும், லட்சியத்தைக் கொண்டவர்களாகவும் உங்களைச் சுற்றிலும் இருப்பது முக்கியம். எந்த முயற்சியும் செய்யாமல், வாழ்க்கையைப் பற்றி குறை சொல்வதில் நேரத்தை செலவிடுபவர்களுடன் நட்பு கொள்ள வேண்டாம்.

Read Also: இயற்கை விவசாயத்தில் சாதித்த ஸ்ட்ராபெர்ரி பெண் குர்லீன் சாவ்லா

எத்தனை தடைகள் வந்தாலும், தளர்ந்து போகாமல் மீண்டும் மீண்டும் முயற்சி செய்பவர்களை தேடி தேடி நண்பர்களாக ஆக்கி கொள்ளுங்கள். உங்கள் சுற்றி இருப்பவர்களால் நீங்கள் உற்சாகம் பெறுவதை போல, உங்கள் அருகில் இருப்பவர்கள் உங்களால் உற்சாகம் பெற வேண்டும் என்று நினைக்க வேண்டும்.

உங்களை சுற்றி இருப்பவர்களை நீங்கள் உற்சாகப்படுத்துங்கள். நீங்கள் ஒரு முன்மாதிரியாக இருக்க வேண்டும் மற்றும் நீங்கள் வாழ்க்கையில் வெற்றிபெற விரும்பும் ஒரு விஷயத்தில் கவனம் செலுத்த வேண்டும். உங்கள் நண்பர்களுக்கு மற்றும் குடும்பத்தினர்க்கு நீங்கள் ஆதரவு அளிப்பவர்களாக இருந்தால், அவர்கள் உங்களைச் சுற்றி இருக்க விரும்புவார்கள்.

Read Also: A Young Woman Revolutionizing The Dairy Farming, பால் பண்ணை தொழில் புரட்சி செய்யும் இளம் பெண்

Related Tags To Succeed in Life

Success Story In Tamil | Self Motivational Story in Tamil | Thannambikkai Story | Short Story | Positive Thinking Stories | தன்னம்பிக்கை கதை | வெற்றி பற்றிய கதை| நம்பிக்கை சிறு கதை | நம்பிக்கையே வெற்றி | தொழிலில் வெற்றி கதை.